Onte anunciabamos o comezo da vacinación ca terceira dose fronte a covid en Galicia. Esta mañá foi a quenda de Ourense. A semana pasada remataron as convocatorias por idades e comezou a terceira dose nos pacientes con inmunodepresión para agora, desde hoxe mesmo iniciar o percorrido polas residencias da provincia administrando esta dose extra aos preto de 5.000 ourensáns que residen nestes centros.
Hoxe, os nove equipos de enfermería administraron 1.300 vacinas en 27 centros sociosanitarios situados nos concellos de Toén, Barbadás, Pereiro, Nogueira de Ramuín, Ourense, Carballiño, Irixo, Castro Caldelas, Chandrexa de Queixa, Xinzo, Porqueira, Gomesende, A Mezquita, Riós, O Barco, Carballeda de Valdeorras e Rubiá.
