O PARQUE MOBIL DO CARBALLIÑO, BOBORÁS E SAN CRISTOVO DE CEA RECIBIU ESTE SÁBADO UNHA DESIFECCIÓN INTEGRAL CO GAS OZONO
Este sábado pola mañá, os vehículos municipais que se empregan para as tarefas propias desta crise sanitaria, así como os vehículos do parque de bombeiros do Carballiño-Ribeiro, os de protección civil e os das forzas e corpos de seguiridade do estado foron desinfectados mediante ozono para unha maior seguridade. O Servizo Provincial de Emerxencias de Ourense implementou un punto de desinfección nas cabeceiras de comarca. Así entón, a desinfección realizouse na sede do Grupo Municipal de Emerxencias e Protección Civil que se atopa na explanada da estación do Adif no Carballiño, onde se achegaron efectivos tanto do Carballiño como de Boborás e Cea.
Os bombeiros emitiron un comunicado nas redes sociais para agradecer a empresa INFOR SONIC o seu labor desinteresado de desinfección con ozono da súa dotación de vehículos. Din que esta tecnoloxía con gas Ozono, é un dos mellores métodos de desinfección e foi usado con anterioridade noutros parques de bombeiros ou corpos de seguridade.
Nesta ocasión a máquina de desinfección é dunha empresa privada pero o concello do Carballiño ven de anunciar a adquisición dun xenerador de ozono para os vindeiros traballos. Iso contribuirá a mellorar a desinfección de vehículos durante o estado de alarma.
VIDEO
