ARQUIVO CO BOP
BDNS(Identif.):506097
De conformidade co previsto nos artigos 17.3.b y 20.8.a da Lei
38/2003, do 17 de novembro, xeral de subvencións, publícase o
extracto da convocatoria das bases reguladoras e convocatoria
para a concesión de subvencións en especie (hospital de emprendedores)
a traballadores autónomos e pequenas empresas da provincia
afectados pola crise do COVID-19 cuxo texto completo se
pode consultar na Base de Datos Nacional de Subvencións
(http://www.pap.minhap.gob.es/bdnstrans/index):
Primeiro. Beneficiarios:
- Poderán ser beneficiarias destas axudas as persoas físicas
maiores de 18 anos que cumpran os seguinte requisitos:
a) Ser traballadores autónomos, incluídos no réxime especial
de traballadores autónomos ou no sistema especial para traballadores
por conta propia agrarios, figurando dados de alta no
imposto de actividades económicas. Para estes efectos, entenderanse
incluídos todos os traballadores aos que se refire o
artigo 1 da Lei 20/2007, do 11 de xullo, do Estatuto do traballo
autónomo, coa excepción dos autónomos colaboradores aos
que se refire o apartado 3 desta base. Entenderanse excluídas
as persoas físicas que se atopen nos supostos previstos no artigo
2 da dita lei.
b) Exercer unha actividade económica con carácter empresarial,
profesional ou artística por conta propia nun municipio da
provincia de Ourense. Entenderase que unha actividade económica
se exerce con carácter empresarial profesional ou artístico
cando supoña a ordenación por conta propia de medios de
produción ou de recursos humanos, ou dun de ambos dous, coa
finalidade de intervir na produción ou distribución de bens ou
servizos. Entenderase que a actividade se exerce nun municipio
determinado cando o domicilio da actividade estea situado no
dito termo municipal. Considerarase como domicilio da actividade
económica o que figure na matrícula do imposto de actividades
económicas.
c) Ter recoñecida a prestación extraordinaria por cesamento
de actividade prevista no artigo 17 do Real decreto lei 8/2020,
do 17 de marzo, de medidas urxentes extraordinarias para
facer fronte ao impacto económico e social do COVID-19. - Igualmente poderán ser beneficiarias as persoas físicas ou
xurídicas ou as entidades sen personalidade xurídica que cumpran
os seguintes requisitos:
a) Exercer unha actividade económica na provincia de
Ourense, figurando dados de alta no imposto de actividades
económicas.
Entenderase que a actividade se exerce nun municipio determinado
cando o domicilio da actividade estea situado no dito
termo municipal. Considerarase como domicilio da actividade
económica o que figure na matrícula do imposto de actividades
económicas.
b) Tratarse de pequenas empresas que teñan un número de
traballadores inferior a cinco persoas na data 14 de marzo de
2020.
c) Que a súa facturación, para efectos do IVE durante o período
do 14 de marzo ao 30 de abril de 2020, se vise reducida nun
50 % ou máis con respecto á facturación media do exercicio - Para estes efectos, a acreditación deste requisito realizarase
mediante a comparación entre a facturación para os
efectos do IVE realizada no 2019 declarada ante a Axencia
Estatal Tributaria (dividida entre 12 e multiplicada por 1,5) e a
facturación correspondente ao período entre o 14 de marzo e o
30 de abril de 2020 resultante do libro rexistro de facturas emitidas
do solicitante. - Non poderán ser beneficiarios das subvencións previstas
nestas bases os traballadores autónomos colaboradores.
Considéranse autónomos colaboradores, para estes efectos, o
cónxuxe e os familiares ata o segundo grao por consanguinidade,
afinidade ou adopción que convivan co traballador autónomo
titular da actividade económica, realicen traballos
retribuídos para este e non teñan a consideración de traballadores
por conta allea conforme ao artigo 1.3.e) do Estatuto
dos traballadores.
Segundo. Obxecto:
Constitúe o obxecto destas bases a regulación da concesión,
pola Deputación Provincial de Ourense, de subvencións en
especie a traballadores autónomos e pequenas empresas que
exerzan actividades empresariais na provincia de Ourense.
A subvención consistirá na posta a disposición dos beneficiarios,
de xeito gratuíto, dun espazo consistente nun posto de oficina,
dotado de acceso a internet e mobiliario básico, situado
no inmoble de titularidade provincial denominado Centro
Cultural Marcos Valcárcel, localizado na rúa Progreso, nº 30
(Ourense).
A duración da cesión rematará na data 31.08.2020 e o horario
establecido para o uso dos espazos cedidos será de 08.30 a
14.00 horas e de 16.00 a 20.00, de luns a venres, agás festivos.
Terceiro. Bases reguladoras:
A Xunta de Goberno da Deputación Provincial de Ourense
adoptou, na súa sesión ordinaria do día 14 de maio de 2020, o
acordo de aprobación das bases reguladoras e convocatoria
para a concesión de subvencións en especie (hospital de
emprendedores) a traballadores autónomos e pequenas empresas
da provincia afectadas pola crise do COVID-19
Cuarto. Prazo de presentación de solicitudes:
O prazo de presentación de solicitudes, contado a partir do
día seguinte ao da publicación da convocatoria no Boletín
Oficial da Provincia, manterase aberto ata a data que se esgoten
os corenta (40) espazos dispoñibles, pechándose en todo
caso o 01.08.2020.
