O Centro de Estudios Chamoso Lamas reabrirá este venres, 7 de agosto, a mostra de arte colectivo AR(T)ENTEIRO, inaugurada o 22 de febreiro e pechada no mes de marzo por causa do confinamento polo Covid 19.
A exposición permanecerá aberta ata o 21 de agosto, co seguinte horario: de martes a venres: 18,00 a 21,00 h; sábados, domingos e festivos: de 12,00 a 14,00 h.
Trátase dunha exposición na que participan un total de 41 artistas con obras pictóricas, colages e esculturas.
