Catro establecementos do Carballiño permanecerán pechados os próximos días como consecuencia da Covid-19. Así o anunciaron a través das súas redes sociais durante esta fin de semana. Os motivos son varios: uns vense obrigados a pechar as súas portas porque un dos seus traballadores deu positivo en coronavirus, outros por contacto estreito cun positivo ou por saber que un positivo estivo no establecemento en días pasados.
A decisión é voluntaria en todos eles, como medida preventiva e para realizar traballos de desinfección. Non son os primeiros locais que teñen que tomar esta medida na vila nas últimas semanas, aínda que algúns dos que xa o fixeron xa volveron á súa actividade diaria.
