O PSdeG-PSOE de Ribadavia require ao concello a cobertura urxente do posto de traballador/a social no centro de saúde da vila o cal está sen cubrir dende que se xubilou a anterior traballadora social no mes de agosto.
Os socialistas xa veñen advertindo de que esta situación se sucedería dende o pasado mes de xullo cando aseguraban que nin a Xunta nin o goberno dos populares con César Fernández á cabeza cubrirá a vacante e consideran “inadmisible que non se adiantasen aos feitos cando nos atopamos nunha situación grave de risco sanitario onde os servizos sociais son máis indispensables que nunca”, denuncian.
A través da plataforma Change.org crearon unha páxina para recolectar firmas en favor da súa petición, asegurando que é precisa e moi necesaria para o municipio. Pódese acceder a esta recaudación de firmas no seguinte enlace: