O Grupo Socialista critica que a Xunta deixase sen empregar a metade dos fondos pdr nos sectores gandeiros “máis afectados” pola covid

IES CHAMOSO LAMAS

Martín Seco urxe que as axudas cheguen aos 24 millóns de euros para os sectores da carne e da planta ornamental e flor cortada, ao ser as actuais “insuficientes” ante a “profundidade da crise da covid”

O responsable de Medio Rural do Grupo Socialista, Martín Seco, criticou que a Xunta deixase sen empregar a metade dos Fondos do Programa de Desenvolvemento Rural (PDR) para o sector da carne e da planta ornamental e flor cortada. Fíxoo, hoxe, nunha pregunta durante a Comisión de Agricultura no Parlamento.

HIPER MASIDE

Seco avanzou que esixirá tamén á Xunta noutra iniciativa o uso da totalidade dos fondos do PDR, que ascenden a 24 millóns de euros, para axudar aos sectores gandeiros “máis afectados pola crise” da covid, chegando ata “o máximo permitido pola UE”.

Nesta liña, criticou que a Xunta empregue a metade destes fondos en empresas do sector agroalimentario, que “terían como principais beneficiarios ao sector bodegueiro”, cando para este sector existen outros mecanismos de financiación dispoñibles, como o IGAPE. Ademais, subliñou que “no se entende” que estes fondos se deriven cara un sector “no que o actual conselleiro ten intereses familiares”.

O responsable socialista incidiu en que dedicar “tan só 12 millón de euros destes 24 posibles” é “insuficiente” ante a “profundidade da crise neste sector”, que durante este ano experimentou unha “caída importante do consumo”, derivada dos “peches no canal de restauración, da caída do turismo e dos cambios nos hábitos de consumo”.

Doutra banda, solicitou que as axudas con fondos da UE sexan “tamén para as explotacións con menos de 10 vacas nodrizas”, eliminando a exclusión destas explotacións da orde publicada.

O SECTOR DA CARNE, “VITAL PARA A NOSA ECONOMÍA”

Ademais, Seco lembrou que o sector da carne “é vital para a nosa economía e foi esencial nos momentos máis duros da pandemia, garantindo o abastecemento de alimentos á cidadanía”. O socialista sinalou que esta crise “ameaza con afundir un sector” con máis de 10.500 explotacións profesionais e “preto de 20.000 empregos en risco” en Galicia, ante “a pasividade do goberno galego”.

Por último, alertou de que a crise do sector “tería un efecto devastador” tamén nos eidos social, medioambiental e territorial, nunha “Galicia que debe ter as explotacións como base esencial contra o abandono e a loita contra os incendios forestais”.