O Concello convocou o 18 de novembro unha axuda económica “Ribadavia Contigo”, para complementar as necesidades básicas de alimentación, hixiene, farmacia e vestimenta das familias que viron reducidos os seus ingresos con esta crise sanitaria. A iniciativa tamén pretende potenciar o consumo no comercio local, apoiando ós establecementos de Ribadavia.
Ascuantías da axudason para familias de 1 membro 300€, para familias de 2 membros 400€e para familias de 3 ou máis membros 500€.
A presentación de solicitudes realízase no Dpto. de Servizos Sociais do Concello de Ribadavia e o prazo comezou o 18 de novembro e remata o 23 de decembro.
Os requisitos son: ser maior de 18 anos ou estar emancipado legalmente, estar empadroado/a no Concello de Ribadavia, realizar o gasto da contía concedida en Establecementos do Concello de Ribadavia e que o cómputo total dos ingresos da unidade familiar, non superen o limiar segundo a táboa de solicitudes.
| Baremo de Ingresos |
| Familia de 1 membro: 100% do IPREM 537 € |
| Familia de 2 membros: 130% do IPREM 698 € |
| Familia de 3 membros ou máis membros: 150% do IPREM 805 € |
O número de familias que solicitaron a axuda “Ribadavia Contigo” ata o 16 de decembro, é de 37 cunha cantidade total de 13.100€
