O subdelegado do Goberno dá a benvida ao novo capitán xefe do Subsector de Tráfico da Garda Civil en Ourense

O subdelegado do Goberno en Ourense, Emilio González Afonso, mantivo un encontro esta mañá co novo capitán xefe do Subsector de Tráfico da Garda Civil en Ourense, Isaac de Toro Mezquita, que se incorporou recentemente ao seu novo destino.

Publicidade

Na reunión, Emilio González deulle a benvida e expresou o seu convencemento de que o capitán Isaac de Toro Mezquita obterá excelentes resultados no desempeño do seu cargo.

O subdelegado do Goberno destacou o esforzo e o traballo levados a cabo polos efectivos do Subsector de Tráfico na provincia a través dos dispositivos de control da mobilidade dende o día oito de outubro, así como durante o estado de alarma e o proceso de nova normalidade.

O capitán Isaac de Toro Mezquita, que é natural de Zamora, ponse á fronte do Subsector de Tráfico en Ourense procedente da Comandancia de Zamora, onde estaba destinado como tenente. Substitúe ao capitán Ángel Rafael Rodríguez García, tralo seu pase a reserva.