O presidente da Xunta, Alberto Núñez Feijóo, anunciou onte un paquete de medidas para tentar frear a curva da covid-19 neste punto no que a situación galega atópase desbordada ante os novos contaxios, superando hoxe os 20.000 casos activos.
Cando entran en vigor?
Estas medidas estarán en vigor durante tres semanas, dende as 00:00 horas do 27 de xaneiro ata as 00:00 horas do 17 de febreiro.
Cales son as medidas vixentes?
- Peche total da hostalaría, salvo servicio para levar.
- As interaccións sociais quedan limitadas a persoas conviventes.
- Redución de mobilidade fora dos concellos salvo por traballo, educación e sanidade.
- O toque de queda mantense ás 22:00 horas, a pesar de que o goberno galego solicitará de novo ó Estado poder amplialo.
- O comercio esencial poderá abrir en horario habitual e o non esencial so poderá estar aberto ata as 18:00 horas.
- A práctica deportiva está restrinxida á práctica ó aire libre, individual e no propio concello. Deste xeito, os ximnasios volverán a pechar as súas portas.
- Prodúcese tamén o peche total de centros sociais, museos, bibliotecas ou establecementos culturais e de espectáculos.
