As unidades de críticos de Ourense seguen medrando a ocupación, con nove ingresados

Nas últimas 24 horas a comunidade galega conta con 200 positivos novos de SARS-CoV-2, facendo que, restadas as altas, os datos totais pasen ós 2.875, o que amosa un leve repunte de apenas 70 casos activos novos. A presión asistencial presenta estabilidade. Hoxe hai 41 (+1) persoas na UCI, e 163 (+1) ingresados nos hospitais.

Publicidade

Na Área Sanitaria de Ourense, Verín e O Barco de Valdeorras a xornada amosa un repunte, recordando cifras de febreiro. Hoxe hai 20 contaxios novos. Restadas as altas, a cifra sobe en 16 casos, con respecto á xornada de onte, ata os 261 casos totais. Os hospitais presentan hoxe preocupación nos coidados intensivos, que seguen medrando en ocupación de camas. Contamos con 16 (-2) persoas hospitalizadas en planta nos tres hospitais da provincia; e 9 (+1) na UCI.