A Marca O Irixo, ca súa tenda online, está levando a cabo a campaña do Día da Nai logo do éxito das tres anteriores, a de Nadal, que foi a primeira, a do Día dos Namorados e a do Día do Pai. Os vinte asociados ofrecen unha serie de produtos, que se poden adquirir na tenda online por separado ou en lote. Para esta ocasión, creáronse packs de produtos como “Mami pirata” ou “Abella raíña”.
Todas as compras que se realicen chegarán ó seu destino na mañá do próximo domingo, entre as 10:00 e as 13:00 horas, e os envíos a toda España serán gratuítos. Os envíos ó Irixo, Carballiño e Ourense encárganse os adheridos á marca e ós demais lugares chegarán mediante mesaxería.
