A Xunta anuncia a licitación das obras de mellora no IES As Lagoas por case 1,3M€ de euros

IES CHAMOSO LAMAS

Así o comunicou esta mañá o delegado territorial da Xunta na súa visita ao centro escolar

Gabriel Alén explicou que as obras comprometidas na provincia que se están licitando antes de fin de ano, como é o caso do IES As Lagoas, a Xunta destina 7,9M€

HIPER MASIDE

O delegado territorial sinalou que as obras comprometidas que están en execución e que se realizaron este verán, suman un total de 98 ás que se destina unha partida de máis de 2,8M€

O representante do Goberno galego subliñou que a Xunta de Galicia executa este verán un total de 557 obras en centros educativos de toda a Comunidade por importe de case 30M€, dando continuidade ao compromiso do Goberno galego coa mellora das condicións de benestar da comunidade educativa, ao abeiro por primeira vez do Plan de Nova Arquitectura Pedagóxica

O delegado territorial da Xunta en Ourense, Gabriel Alén, visitou esta mañá o IES As Lagoas para anunciar a licitación das obras de rehabilitación integral deste centro educativo no que a Consellería de Cultura, Educación e Universidade vai investir case 1,3M€; unha das actuacións previstas, ao igual que as que se van desenvolver no CEIP Mariñamansa, no CPI Plurilingüe José García García ou no IES Blanco Amor, e que recentemente a Xunta vén de anunciar a súa licitación.

Gabriel Alén destacou que as obras que se están licitando antes de fin de ano, como é o caso dos devanditos centros, supoñen un investimento por parte da Xunta de 7,9M€.

O delegado territorial tamén se referiu ás obras que están en execución e que se realizaron este verán (tanto grans de obras como melloras en patios, pequenas renovacións de fiestras, pintura, mellora da accesibilidade etc). Na provincia de Ourense levaranse a cabo 98 obras semellantes cun investimento de 2,8M.

Así mesmo, lembrou que a Xunta de Galicia culmina este ano unha decena de obras en centros educativos da provincia, entre elas a de construción do Centro Galego de Innovación da FP.

Actuacións previstas

O delegado territorial explicou que as intervencións consistirán na substitución da carpintería exterior, incluíndo persianas e caixas de persianas en toda a edificación. No illamento das fachadas do edificio primitivo, mediante inxección nas cámaras de aire, e na colocación de illamento térmico interior na totalidade da cuberta do IES.

As obras tamén contemplan a substitución e reposición dos elementos de cubrición en mal estado da cuberta non renovada, a renovación da cuberta do patio interior por una cuberta de panel sandwich e a colocación de falso teito de virutas de madeira con illamento no porche exterior en contacto coas aulas de planta primeira da zona ampliada.

Tamén se colocará o falso teito acústico rexistrable nas estancias do edificio primitivo, e acometerase a renovación da instalación de iluminación mediante luminarias de LED nas estancias do edificio primitivo.

Así mesmo, tamén se executarán actividades de reparación e pintado de paramentos e carpinterías interiores (nas estancias da zona ampliada non se pintarán as carpinterías interiores), remodelarase a sala de caldeiras, mediante a substitución dos equipos de produción a Gas Natural e colocación de captadores solares para cubrir a demanda de ACS do centro, executarase a soleira exterior na zona de patio cuberto existente na fachada norte, e a rampla de acceso ao polideportivo.

Plan de Nova Arquitectura Pedagóxica

O delegado territorial explicou a Xunta de Galicia executa este verán un total de 557 obras en centros educativos de toda a Comunidade por importe de case 30M€, dando continuidade ao compromiso do Goberno galego coa mellora das condicións de benestar da comunidade educativa, ao abeiro por primeira vez do Plan de Nova Arquitectura Pedagóxica, a folla de ruta para o deseño dos centros post-covid.

O Plan de Nova Arquitectura Pedagóxica, dotado con 191M€, configúrase como guía mestra de todas as intervencións que se están a facer nos centros educativos galegos apostando por uns centros de ensino mellor acondicionados, máis implicados coa educación dixital e as novas metodoloxías de ensino, máis sustentables e máis confortables para profesorado e alumnado.

As actuacións que se están a desenvolver nos centros xiran arredor de seis eixos de actuación que son o encaixe dos centros no espazo urbano, o seu aspecto exterior, os espazos de socialización, a distribución interior dos centros, o establecemento de polos creativos (espazos maker) e a eficiencia enerxética.