Política Social ampliará en 30 as prazas da residencia para maiores dependentes do Cornuval no Carballiño, que pasará a atender a 80 usuarios

O centro ourensán ofrece a día de hoxe un total de 50 prazas, que se incrementarán a través do novo contrato de xestión das instalacións, que entrará en vigor o 1 de abril

O director xeral de Maiores e Persoas con Discapacidade, Fernando González Abeijón, visitou hoxe a residencia para maiores dependentes do Carballiño, na que a Xunta vén de ampliar o número de prazas das 50 que había ata o momento ás 80 das que disporá o vindeiro ano. Este incremento de 30 prazas entrará en vigor o vindeiro 1 de abril a través da nova licitación da xestión deste centro, que terá un período inicial de dous anos prorrogables ata os cinco.

AVANTAR ACTIVIDADES

Fernando González Abeijón lembrou durante a súa visita que a Xunta de Galicia ten na atención ás persoas dependentes un eixo prioritario que a levou a incrementar desde o 2009 un 44% a oferta de prazas públicas en residencias de maiores, ao pasar de 5500 a máis de 8000 que hai na actualidade.