O presidente da Xunta, Alberto Núñez Feijóo, avanzou este xoves que a próxima semana haberá unha reunión do comité clínico, probablemente o martes, para analizar a evolución da pandemia e adoptar a flexibilización das medidas no caso de que se confirme a tendencia e o pico da sexta onda.
Tras a reunión semanal do Goberno galego, Núñez Feijóo asegurou en rolda de prensa que a situación aínda non é homoxénea en toda a comunidade e “aínda é pronto” para “confirmar que a curva baixa” aínda que hai datos que o indican.
Durante a súa intervención, o presidente galego cargou contra a decisión doutras autonomías de non contabilizar nas estatísticas as persoas que dan positivo para o autodiagnóstico e defendeu a decisión de Galicia de facelo.
