TEATRO
COMPAÑÍA: OLIVAS NEGRAS
OBRA: “A FAMILIA REAL”
Día 5 de MARZO ás 20:00 h no Auditorio Manuel María
Duración: 80 min.
É unha coprodución entre Aporía Escénica, dirixida por Diana Mera e Olivas negras, dirixida por Sonsoles Cordón e Cecilia Vázquez.
Tres mulleres creadoras e empresarias da escena, formadas na ESADg que decidiron entrecruzar os seus camiños artísticos e unir forzas nun novo proxecto teatral, motivadas pola necesidade de interaccionar cos seus fillos e fillas en escena.
A FAMILIA REAL busca traspasar os límites, cuestionar ideas preestablecidas ao redor da maternidade e a educación, compartir as nosas satisfaccións e aprendizaxes, evidenciar as contradicións diarias e poñernos a proba coma intérpretes, integrando nas táboas aos máis pequenos da familia, deixándolle liberdade para modificar o seu itinerario de acción con espontaneidade en contraste coa partitura ensaiada e teatralizada dos adultos.
SINOPSE
Como cambia a nosa vida cando chega un novo ser a ela?
Cales son as dificultades, os desafíos, as crises que se nos presentan como nais e pais nunha sociedade complexa como a contemporánea? Como compaxinamos a itinerancia e inestabilidade das artes escénicas coas esixencias da crianza? Estamos preparadas para asumir todos os retos e imprevistos con creatividade?iariase, sobre todo,
Partindo da comicidade e irreverencia do título A FAMILIA REAL que nos remite inmediatamente á monarquía e a súa imaxe artificiosa mergullámonos nas biografías de cinco familias reais coas súas singularidades: unha nai solteira que se debate entre o amor, o estrés e a culpa por non poder pasar máis tempo co seu fillo de 9 anos que quere coñecer o seu pai; unha nai separada cunha filla de 10 anos e unha relación cordial co seu ex-marido que presume de ser a renovadora do arquetipo da madrastra; unha parella heterosexual namorada cun bebé que está asimilando a golpe de realidade as esixencias da crianza; unha nena de 9 anos cunha nai escenógrafa e técnica de luces que vive organizando axendas; un pai consagrado que fala da paternidade desde a perspectiva que che dá a experiencia dos anos; unha actriz que aceptou o papel de canguro porque precisa os cartos.
FICHA ARTÍSTICA
Coprodución: Aporía Escénica & Olivas Negras
Dirección e dramaturxia: Diana Mera
Textos: Creación colectiva
Asistencia de dirección, xestión e loxística: Sonsoles Cordón
Nais e pais: Sonsoles Cordón, Francisco Gallardo, Diana Mera, Vicente Mohedano, Cecilia Vázquez, Beatriz de Vega
Fillas e fillos: Catalina Scillia, Gianluca Cordón, Asahel Gallardo
Mera, Ginevra Nortes
Canguro en escena: María Tasende
Música orixinal: Francisco Gallardo
Espazo: Beatriz de Vega, Diana Mera, Cecilia Vázquez
Iluminación: Beatriz de Vega
Audiovisual: Pío Cribeiro
Fotografía: Janite Lafuente, Sabel Sabín
Vestiario: Cecilia Vázquez
Deseño gráfico: Cecilia Vázquez, Estefanía Vázquez
