Araújo propón tres meses de transporte gratis e tarifa nova ata os 30 anos para paliar a crise dos carburantes

II EDICIÓN COCHES CLÁSICOS NO IRIXO

O portavoz de Cidadáns no Concello de Ourense afirma que desde o Goberno central non se tomaron medidas para facer fronte á subida de prezos e pide que se rebaixe ao 4% o IVE na factura da luz, gas e carburantes

O portavoz de Cidadáns en Ourense, Pepe Araújo, presentará no Pleno, vía moción, varias propostas en materia de transporte público para tratar de contrarrestar o impacto que está a ter a invasión rusa de Ucraína na economía dos fogares, especialmente pola escalada do prezo da enerxía.

XUNTANZA DE CLÁSICOS NO IRIXO

Araújo sinalou que implantar tres meses de transporte gratuíto para todos os usuarios e elevar a 30 anos a tarifa nova son medidas “realistas, sensatas e viables” que, ao seu xuízo, poden beneficiar aos cidadáns nun contexto de crise como o actual. “Estaremos a facilitar unha alternativa viable e sostible para os desprazamentos diarios dos ourensáns que hoxe optan polo seu coche e que #ante os altos prezos do combustible terán un enorme impacto nos seus petos”.

Ademais, o portavoz de Cidadáns solicita que desde o Goberno de España adóptense medidas como a rebaixa ao 4% de IVE na factura da luz, gas e carburantes tal como fixeron outros países da Unión Europea.

Finalmente, Araújo insta o Goberno Local a retomar a proposta de rebaixar o imposto de vehículos de tracción mecánica e que foi rexeitada polo PSOE e BNG no Pleno do pasado mes de xullo.