Termatalia, a Feira Internacional de Termalismo, foi escollida como sede para a celebración do I Concurso Internacional de Café Torrado en Orixe, o World Coffee Challenge, un evento que potencia aos produtores de café e que reunirá en Ourense a cafetaleiros de diferentes países. co obxectivo de promover a calidade do café tostado en orixe, un produto que promove a sustentabilidade e a ética empresarial. Celebrarase de forma paralela e complementaria á feira os días 29 e 30 de setembro de 2022.
Trátase dun concurso organizado pola start-up francesa “alternative.cafe” que defende un novo modelo de café “da planta á taza”. O World Coffee Challenge reunirá durante 2 días, no marco de Termatalia, aos mellores produtores de café de América do Sur e Centro, África, Asia e Oceanía.
O obxectivo principal deste certame é achegar ao produtor e ao consumidor:
- Por unha banda: educar aos consumidores sobre o café, facerlles apreciar as calidades organolépticas dos cafés torrefactos en orixe e a diversidade dos terreos cafetaleros, facerlles valorar a transmisión de experiencias.
- por outra: axudar aos produtores a comunicarse e comprender as expectativas do mercado; fomentar iniciativas locais que promovan a calidade e as mellores prácticas sociais e ambientais (RSE), crear conciencia sobre o interese das denominacións xeográficas nos territorios cafetaleros para protexer o produto elaborado localmente.
Un xurado de expertos
Sumando sinerxías, o xurado deste certame estará presidido pola directora da Cata Internacional de Augas Termatalia, Mercedes González Rodríguez, experta en análise sensorial e organoléptica. Entre os membros do xurado do World Coffee Challenge pódense atopar profesionais do café (baristas, distribuidores…) e profesionais do gusto (chefs, sumilleres, afeccionados ilustrados…). Os mellores cafés do mundo, sexan Arábica ou Robusta, serán premiados no acto oficial, ao que asistirán representantes institucionais de Galicia, así como diplomáticos dos países produtores.
Unha selección excepcional de cen cafés
Grazas á acción conxunta dos delegados internacionais que conforman a “rede Termatalia” (a feira conta cunha vintena de delegados internacionais que abrangue máis de 40 países) e a dos colaboradores de alternative.cafe, realizouse unha rigorosa selección nuns trinta países produtores. Preto dun centenar de cafés excepcionais competirán neste certame por premios que non só lles permitirán ser recoñecidos no seu país, senón que abrirán oportunidades con distribuidores españois, franceses e europeos.
Sobre alternative.cafe
Quentin Rouyer fundou alternative.cafe despois de darse conta da desigualdade da industria do café: os agricultores quedan fóra do paso xerador de valor do tostado. Despois de graduarse en HEC París, quixo achegarlles os seus coñecementos e defender a súa visión ética e social do comercio internacional. Por primeira vez en Europa, alternative.cafe traballa directamente e en colaboración con produtores. Todos os cafés ofertados son cultivados, tostados e envasados polos seus produtores, actores da súa economía local.
(Máis información: www.alternative.cafe Contacto da entrevista: quentin@alternative.cafe).
