Mañá venres dará comezo unha nova edición da feira medieval “A Liorta”

IES CHAMOSO LAMAS

Comeza unha nova edición da “Liorta”, Feira Medieval que terá lugar no concello do Carballiño dende mañá venres ata o próximo domingo. Os asistentes poderán gozar das exhibicións de cetrería, espectáculos de lume, música, teatro… e dos postos de artesanía e produtos gastronómicos.

Mañá venres, ás 18.00 horas terá lugar a inauguración da feira coa apertura dos postos do mercado.

HIPER MASIDE

Ás 21.30 horas terá lugar unha exhibición de voos de cetrería no Anfiteatro Veracruz. Ás 22.15 e ás 23.00 horas haberá dous espectáculos de lume, o primeiro na Praza Emilia Pardo Bazán e o segundo no Anfiteatro Veracruz.

O sábado, ás 11:00 horas, abrirase a feira. Haberá actividades e exhibicións durante todo o día. Ás 22.15 horas comezará o desfile do Gran Dragón, e ás 23.00 e ás 23.30 horas haberá dous espectáculos de lume no Anfiteatro Veracruz.