Armando, unha historia de superación e ganas

IES CHAMOSO LAMAS

Armando (Armando Montero Vidal) é un alumno do IES Chamoso Lamas que ven de rematar os seus estudos de Bacharelato no bacharelato para adultos que se imparte no centro.

Armando naceu en Veracruz (México), aínda que viviu parte da súa vida na Baixa California. Un accidente truncou os seus estudos ao deixalo en silla de rodas e con outras problemáticas de saude asociadas.

HIPER MASIDE

Fai xa uns anos que chegou ao Carballiño, acollido por un familia do noso pobo. Despois de realizar a proba de acceso á Universidade para maiores de 25 anos, matriculouse en Informática na UNED, pero diuse conta de que despois de tantos anos sen estudar faltábanlle por coñecer moitas cousas básicas.

Pero lonxe de rendirse, decidiu empezar dende abaixo e matriculouse no IES Chamoso Lamas para sacar o título de ESO por adultos, a coñecida como ESA. Unha vez que rematou, decidiuse por facer o Bacharelato Tecnolóxico no noso centro, que pandemia polo medio e uns cantos avatares máis, ven de rematar o outro día con éxito.

Un éxito que foi a base de esforzo e como di el mesmo, “de ganas, con ganas o resto non importa”.

O outro día quixémoslle facer un pequeno agasallo, a el que tanto lle gusta a lectura, porque para nós alumnos como Armando son un espello no que ás veces mirarnos.

Sorte nos próximos estudos que incie xa en setembro, aínda que estamos seguros de que lle irá ben