O mosteiro de Oseira recibiu un 30% de visitas máis que no ano 2019. Deste xeito o número de visitas superou as que había antes da pandemia. Ata finais de xullo xa foran máis de 12.000 os que fixeran a visita guiada.
A tendencia continúa na mesma liña e continuará polo menos ata finais do próximo mes de setembro, momento no que adoita finalizar a tempada alta de visitantes, cuxa afluencia se reduce a finais de ano ata remontar na Semana Santa do ano seguinte.
O crecemento xa fora importante en 2022, rexistrándose un 20% máis, e cun total de 22.000 turistas.
