O presidente da Deputación, Luis Menor, recibiu no Pazo Provincial ao actor e produtor audiovisual Rubén Riós. Ambos analizaron as iniciativas culturais que está a desenvolver Rubén Riós en torno ao rural ourensán e á produción de castaña en particular, moi importantes para divulgar e promocionar o potencial da provincia.
Neste senso, Luis Menor trasladoulle a Rubén Riós “a firme aposta da institución provincial na defensa da cultura popular ourensá”, destacando que a produción de castaña foi sempre un factor fundamental na evolución da provincia e sigue a ser un eixo estratéxico de primeiro nivel dentro do desenvolvemento do territorio ourensán.
