O presidente da Deputación, Luis Menor, recibiu esta mañá no Pazo Provincial á directiva do Liceo de Ourense, encabezada polo seu presidente, Javier Casares, que explicou o labor cultural e social que está a desenvolver esta entidade, tanto para o seus socios como para a sociedade ourensá en xeral.
O presidente provincial ratificou o apoio da Deputación e a cooperación activa con esta institución centenaria, cunha gran implantación social e defensa dos valores culturais de Ourense, que se plasmará coa aportación da Deputación para axudar ao funcionamento do Liceo, así como con axudas para diferentes obras necesarias para conservar o edificio nobre e a súa funcionalidade. “A cooperación que brindamos desde a Deputación ten como fin posibilitar que todo o tecido cultural e social que xira en torno ao Liceo de Ourense se manteña e poidan seguir a desenvolver o seu traballo as entidades que alí teñen acollida”. recalcou Luis Menor.