Esta fin de semana, o auditorio do Carballiño acolleu un dobre pase da presentación da obra “Almar”, que percorrerá posteriormente varios países do mundo. Todo un éxito entre o público que se puido desfrutar en primicia.
A obra, interpretada pola carballiñesa Josi Lage e Gabriel Prada, conta a historia de amor de Albert Einstein e Margarita Konionkova, amor que fai moi pouco tempo saíu á luz. Ambos están dirixidos polo director uruguaio Raúl Rodríguez da Silva.
Os actores protagonistas amosábanse emocionados de estrear no Carballiño e de que este proxecto poida ver a luz despois de tanto traballo, o que supón unha inmersión completa na personaxe utilizando o método Stanislavski.
