Coincidindo co 150 aniversario do nacemento de Antonio Palacios, que se cumpre o próximo 8 de xaneiro, O Carballiño e máis concretamente o Templo da Vera Cruz, obra póstuma do arquitecto porriñés, cobran un especial protagonismo nesta efeméride.Así, está previsto desenvolver diversas iniciativas ao respecto, comezando por unha conferencia do arqueólogo e museólogo Felipe Senén, que impartirá nesa data na Casa da Cultura co título de “A Veracruz do Carballiño: testamento arquitectónico de Palacios”.
O programa que ultima a área de Cultura do Concello continuará con máis actos que se anunciarán nos próximos días e nos que colaboran o Centro de Estudios Chamoso Lamas e o Instituto de Estudios Carballiñeses.
En relación coa efeméride, diversas institucións e entidades están a desenvolver actividades salientables. Entre elas, a exposición titulada “Antonio Palacios. El rumor de la historia, el ruido del tiempo. Dibujos de arquitecturas externas a Madrid”, elaborada polo Colexio Oficial de Arquitectos de Madrid e a Fundación Arquitectura COAM coa colaboración do Concelllo de Madrid, que finaliza o 12 de xaneiro e que despois vaiaxará ás cidades da Coruña e Vigo. Conta cun amplo catálogo no que Felipe Senén escribiu un magnífico artículo a propósito da simboloxía e significado da obra palaciana, específicamente, a obra desenvolvida en Galicia, cunha aportación concreta no que respecta ao Templo da Vera Cruz, que o arqueólogo e museólogo carballiñés estudou a fondo, e que está ilustrado con debuxos, planos e fotografías alusivas á construcción do templo, facilitadas polo Arquivo da Parroquia do Carballiño, o Arquivo do Concello do Carballiño e do propio Felipe Senén, entre outros. Tamén inclúe un documental no que o Templo da Vera Cruz do Carballiño é unha das pezas clave no tocante aos proxectos de índole relixiosa de Palacios.
Outros documentais están a ser elaborados por distintas productoras e institucións, e a preestrea de algún deles realizarase precisamente no Carballiño.
