Expourense abre esta fin de semana o Salón do Vehículo Clásico, que alcanza a segunda edición. Será unha oportunidade para coñecer as últimas tendencias e novidades do sector, así como para establecer contactos e facer negocios, xa que o salón conta cunha zona de compra e venda de clásicos.
O II Salón de Vehículos Clásicos contará coa presenza de 20 expositores especializados no sector clásico e entre os que se atopan tanto vendas como empresas de recambios, accesorios, compoñentes, pintura, miniaturas, etc. A zona expositiva tamén inclúe a participación de máis de 140 vehículos clásicos (matriculados ata 1994, é dicir, de polo menos 30 anos de antigüidade) entre os que se poden atopar tanto coches como motocicletas.
Atoparás atraccións como a mítica “Alpinche” cedida pola Fundación Estanislao Reverter ou unha mostra de vehículos clásicos cedida pola Policía Nacional.
Organizada por Expourense, esta segunda edición do Salón do Vehículo Clásico conta co apoio principal da Deputación de Ourense, á que se sumaron outras entidades como Escudería Clásicos de Ourense, a Fundación Estanislao Reverter; a Concellería de Xuventude da Deputación de Ourense; Xog-on; Proyecta Galicia – Corretaxe de Seguros; Marvic Sport; Casla Sport; Nippon Ourense Club; Club Avispados de Ourense; Documentos do motor de Youtube; Motomanía Vigo e Autocares Rías Baixas.
