O novo goberno do Carballiño entre o PSOE e o PP comeza a andar. A asemblea da militancia socialista deu o apoio a este proxecto con algunhas reticencias e algún voto en contra, pero cunha maioría que permite continuar.
Por outra banda, xa se iniciaron as negociacións para o reparto das distintas concellerías, que se darán a coñecer nos próximos días. Segundo o que se puido saber, as concellerías que poden presentar cambios e pasar a estar dirixidas polo Partido Popular serían as de Medio Ambiente, Medio Rural e Deportes. Ademais, o portavoz popular pasará a ser o primeiro tenente de alcalde durante dous anos, ata ocupar a alcaldía por terceiro ano.
