O Auditorio Rubén García de Ribadavia acollerá este vindeiro domingo unha nova actuación, seguindo co ciclo cultural deste verán no municipio ribadaviense. Neste caso será o musical “Unha noite na eira do trigo”, unha adaptación do poema de Curros Enríquez musicalizada pola Orquestra “OcaBand”, nunha homenaxe ao grupo musical “Los Tamara”.
Este musical iniciou a súa andaina un ano atrás, percorrendo o repertorio deste grupo guiado polo poemario. Pretenden continuar coa súa xira presentando esta actuación tamén en exteriores.
Mesturan cine teatro e música, garantindo que o público quedará prendado á historia dende o primeiro momento.
Dende o concello animaron a todos a asistir a este evento, unha ocasión para desfrutar da música tradicional e das noites de verán.
