Esta fin de semana tamén tivo lugar unha nova edición da Festa da Empanada de Mesego. Esta vez, en lugar de preparar a súa tradicional empanada xigante, elaboraron un cnetenar de elaboracións variadas.
Os veciños da parroquia de Mesego deron comezo esta fin de semana a súa xa tradicional Festa da Empanada. Os actos programados incluíron ós oficios relixiosos tradicionais, diversas actuacións musicais e unha cita gastronómica de gran envergadura.
A celebración arrincou a noite do sábado, día no que os presentes puideron degustar unhas deliciosas racións de empanada. Este ano, en lugar de preparar a súa tradicional empanada xigante, a organización elaborou un total de 180 empanadas variadas para a súa degustación.
A Festa da Empanada xa é unha tradición en Mesego que naceu fai máis de 50 anos. É un evento moi ben acollido polos veciños e visitantes da localidade. Dende a organización da festa, móstranse moi agradecidos co bó número de participantes que todos os anos se achega ao pobo a degustar a empanada, e tamén a desfrutar doutras actividades que ofrece o programa de actividades cheo de tradición, música e gastronomía.
O evento estendeuse toda a fin de semana ata o día de hoxe. A organización quedou satisfeita co resultado desta edición, e aseguran que pensan manter esta tradición gastronómica durante os próximos anos para o desfrute de veciños e visitantes.
