A programación de Cine Clube Carballiño ábrese este vindeiro venres coa película “La quimera”, un drama italiano escrito e dirixido o pasado ano por Alice Rohrwacher, e que está protagonizada por Josh O’Connor e Isabella Rossellini. As proxeccións terán lugar no Auditorio Manuel María no horario habitual de 8 da tarde para a versión dobrada ao castelán e ás 10,30 da noite para a versión orixinal subtituada.
“La quimera” foi seleccionada para competir pola Palma de Ouro no 76º Festival de Cine de Cannes e conta a historia de Arthur, un xoven exarqueólogo que durante os anos 80 reside nun pequeño pobo da campiña toscana e decide gañarse a vida xunto cunha banda adicándose á excavación e expolio das tumbas etruscas da contorna, para logo vender os seus tesouros e conseguir diñeiro. Así, este filme fabula coa metáfora da quimera, algo que todos desexamos ter pero que nunca atopamos.
