Medio milleiro de seareiros de Club Deportivo Arenteiro acudiron onte ao campo municipal do Couto para presenciar un novo triunfo do equipo do Carballiño, nesta ocasión ante o Ourense Club de Fútbol, ao que venceu por un gol a cero, colocando aos de Espiñedo no segundo posto da clasificación da Primeira RFEF. Un partido que tivo dúas partes ben diferenciadas, xa que no primeiro tempo foi o conxunto verde o claro dominador aínda que os de Ponte Canedo tiveron varias oportunidades claras de marcar, mentres no segundo houbo alternancia no ataque por parte de ámbolosdous equipos. O gol do Arenteiro chegaría un minuto antes do remate da primeira metade, nun contragolpe que culminou Diego Gómez, tras varias tentativas anteriores de Pascu e Enol. Na reanudación, tanto Ferreiro coma Enol non estiveron afortunados nos seus disparos á porta de Pato, mentres no minuto 81 foi a quenda dos ourensáns cun ao pao da meta de Diego, que protestaron un posible penalti por derribo no 87 que o árbitro non considerou falta.
Ao remate do encontro, os xogadores verdes dirixíronse á bancada de preferencia do Couto para amosar o seu agradecemento ao apoio dos afecionados do Carballiño, que voltaron á vila coa satisfacción dunha nova victoria, que sitúa ao Arenteiro 2º na táboa clasificatoria do grupo 1 da Primeira RFEF, con 16 puntos, a sete da Cultural Leonesa, que ostenta o liderato.
A seguinte cita do equipo carballiñés será en Espiñedo, o vindeiro venres, 25 de outubro, fronte o Unionistas de Salamanca, que ocupa o 12º posto da clasificación con 11 puntos, tra-lo empate colleitado en Amorebieta (3-3).
O adestrador do Arenteiro, Rául Jardiel, sunliñou na roda de prensa posterior ao partido do Couto que “se estamos segundos é porque estamos facendo ben moitas cousas”, á vez que lobou a calidade demostrada polos seus pupilos ao longo das últimas semanas.
