O mural da avenida Conde Vallellano, o primeiro do proxecto artístico de murais urbanos promovido pola Concellería de Cultura do Carballiño, xa está rematado. A intervención, liderada pola artista Nato Brandariz, recolle personaxes moi importantes no municipio, como as pulpeiras ou as cantareiras, ademais de lugares emblemáticos como o Templo da Veracruz.
O alumnado do IES Chamoso Lamas e os usuarios e usuarias de Aspadisi colaboraron na elaboración do mural. O proxecto, que conta coa colaboración de Sustinea e o patrocinio de Galpi e Orcellón, continuará nos próximos días con outros murais na mesma avenida e no Barrio de Flores.
Na imaxe poden verse ao concelleiro de Cultura, Diego Fernández, acompañado por Manuel Otero, xerente da empresa Orcellón.
