A Praza da Veracruz será o punto de saída e meta da segunda edición da ‘Carreira do Pulpo’, organizada pola Concellería de Deportes coa colaboración do Ximnasio Kórpore, e que se celebra este vindeiro domingo, 12 de xullo. O evento foi presentado hoxe polo concelleiro de Deportes, José Castro-Gil, e a xerente do centro deportivo, Rebeca Amil.
A competición está aberta á participación de tódalas idades e a inscrición é gratuíta en sportmaniacs e saudeter live, e consistirá na proba de 10 quilómetros xa incluída na primeira edición e tamén haberá outra nova de 5 quilómetros, ambas con saída ás 10,00 horas e cun percorrido pola contorna do río Arenteiro e o Parque Municipal, mentres para as 11,30 horas está prevista a saída da proba de 2 quilómetros para cativos polo casco urbano da vila.
Unha vez rematado este programa de atletismo, os participantes terán acceso gratuíto ao recinto das piscinas municipais, onde as monitoras do Ximnasio Kórpore impartirán unhas sesións de zumba, aquaxim e ioga a fin de tonificar e relaxar os músculos tra-las carreiras.
