Un ano máis, prácenos achegarlles coa presente o CARTEL da XXVII edición da Malla Tradicional de Lalín, Festa de Interese Turístico de Galicia, que terá lugar na Casa do Patrón o día 22 de agosto do 2026, sábado, durante toda a xornada, e sobre todo, convidalos a acompañarnos nesta data tan especial.
A totalidade das actividade indicadas no cartel serán de asistencia libre e gratuíta para todos. O único custo que terán que asumir será o do xantar, que estará composto por:
* Empanada.
* Churrasco de porco e tenreira, con ensalada e patacas fritidas.
* Sobremesa caseira.
* Bebidas, café e chupito.
O prezo será de 24€/persoa, (nenos: de 0 a 5 anos, gratis. De 6 a 10 anos: 12€.)
No caso de que haxa algunha restrición legal como o pasado verán, substituiremos o churrasco por carne ao caldeiro, dobrando o tamaño da ración de empanada, mantendo os prezos indicados.
Por experiencia, estamos en condicións de garantir que a comida será abundante e de gran calidade, a cargo dun dos mellores profesionais da zona neste eido. Pola nosa banda, procuraremos cumprir coa máxima puntualidade e axilidade no servizo, e salvo imprevistos, o xantar comezará ás 14:30 horas e a sobremesa chegará ata o inicio do serán musical.
OS MELLORES ESTABLECEMENTOS
Xa pola tarde, convidámolos á 7 actuacións de grupos de música tradicional da zona, na propia carpa, rematando cun concerto do coñecido grupo folclórico OS CARECOS, de Ortegal, cara ás 7 e media da tarde.
Dada a gran asistencia de público, pregamos reserva previa, tanto para as prazas de mesa para xantar, como para o aparcamento dos autobuses e microbuses asistentes. Por favor, contactar con nós para calquera dúbida ou aclaración.
Esperamos e desexamos contar coa vosa compaña nesta gran festa etnográfica, gastronómica, festiva e de goce da paisaxe natural do interior de Galicia, para pasar xuntos un día inesquecible no mesmo corazón e centro xeográfico de Galicia: a Casa do Patrón de Codeseda.
