A programación de Cine Clube Carballiño neste mes de novembro comeza mañá, venres día 6, cunha proxección moi especial, “Naza”, o documental dos directores israelies Yubal Abraham e Raches Szor que está causando un verdeiro impacto nas salas onde se proxecta.
Rodada pola noite nos tellados de Tel Aviv, a película revela con todo detalle os mecanismos que hai detrás do asasinato en masa deliberado de civís palestinos en Gaza por parte das tropas de Israel. Naza é a verba usada polo exército israelí para denominar ás vítimas como “danos colaterais”. Un documental esclarecedor e contundente sobre a banalidade do mal, tan característica dos nosos tempos. Son 80 minutos electrizantes que removen as nosas conciencias e nos amosan quen son as víctimas.
Recibiu numerosos premios, aparte dos eloxios da crítica: Premio especial do Xurado no Festival de Venecia, Premio do público en San Sebastián e Mellor filme europeo, Premio do público no Festival de Morelia, etc.
Os pases serán ás 20,00 e ás 22,30 horas, os dous en versión orixinal subtitulada, no Auditorio Manuel María do Carballiño.
