O grupo ‘show’ do Club Aehde do Carballiño, na súa segunda tempada en categoría nacional acadou o terceiro posto no Campionato Galego desta modalidade de patinaxe, celebrado no pavillón vigués das Travesas, o que lle abre as portas a poder participar nas principais competicións desta modalidade deportiva a nivel español (Campionato de España e Copa de España).
O seu programa “Asesinato en el Orient Express” obtivo un total de 23,68 puntos, sendo superado tan solo polo CPA Condado e o CPA Brión, que se fixeron cas dúas primeiras prazas. As patinadoras da entidade carballiñesa fixeron un programa impecable, limpo, cheo de coordenación entre os seus once membros, superando en tres puntos a súa puntuación do pasado ano na mesma competición.
Para o Club Aehde este é o primeiro podio nun campionato de categoría Nacional logo do terceiro posto acadado a tempada pasada na Copa Galega de ‘show’, cita que voltará a celebrarse este ano no Carballiño os vindeiros días14 e 15 de febreiro.
