Durante o período comprendido entre os días 13 de maio e 24 de xullo, ambos incluídos, estarán ao cobro, en período voluntario, os recibos das taxas do exercicio 2020, nos concellos de Arnoia, Beade, Cenlle, Cortegada e Leiro do Imposto sobre vehículos de tracción mecánica, da Taxa sobre recollida de lixo, da Taxa sobre rede de sumidoiros, da Taxa sobre entrada de vehículos, e da Taxa sobre portadas e escaparates. Os contribuíntes recibirán no seu domicilio o recibo-resgardo de aboamento, co que deberán presentarse en calquera oficina de Abanca no período citado anteriormente, en días hábiles, de 09.00 a 14.00 horas, advertíndolle de que, caso de non facelo, se procederá ao seu cobramento por vía executiva, co 20% de recarga e, no seu caso, as custas que se produzan. En caso de que algún contribuínte non recibise no seu domicilio o recibo-resgardo de aboamento para poder efectuar o pagamento da exacción, poderá, dentro dos períodos anteriormente establecidos, retiralo das oficinas do servizo de Recadación da Mancomunidade do Ribeiro, advertíndo de que o feito de non telo recibido, non o exime da obriga de efectuar o pagamento.
