O’Potiños prepara as exposicións do Arenteiro Fotográfico, que comeza esta semana

A asociación O’Potiños prepara todo para o comezo do Arenteiro Fotográfico. Hoxe estivemos co seu presidente na colocación dunha das exposicións nas escaleiras da Casa do Concello e mañá e pasado colocaranse as restantes.

O acto inaugural terá lugar o domingo, 11 de outubro no Auditorio Municipal Manuel María, en vez de na Casa da Cultura, co obxectivo de poder ampliar o aforo. Na xornada inaugural, que comezará ás 19,00 h., presentarase o catálogo de exposicións, cunha proxección das mesmas; redenrase homenaxe ao fotógrafo carballiñés Moncho Fuentes e inaugurarase unha mostra na sala de exposicións do auditorio cunha selección de fotografías súas sobre as xentes do Carballiño nos anos 90.

AVANTAR ACTIVIDADES

Os locais nos que se exhibirán estas exposicións son: Concello, Auditorio Municipal, Casino, Rúa Principal, Café Peñasco, Café Plaza, Pazo da Almuzara, Hotel Arenteiro e Asador Veracruz.