O Concello de Boborás aprobou en pleno unha modificación de crédito para
dar axudas ao sector da hostalaría e do turismo do municipio. O prazo para a
presentación destas solicitudes era de dez días dende a probación dos pliegos,
unha data que rematará mañá pola noite. As axudas teñen a finalidade de axudar
ós traballadores afectados polo peche perimetral e por cese de actividade ó ser
un sector dentro dos non esenciais. En total serán 300 euros por autónomo, un
total de 15 no municipio, e unha Peme, ascendendo a un total de 4.800 euros.
Estas axudas serán compatibles coas autonómicas e demais organismos.
O grupo de Goberno toma esta decisión para apoiar o sector máis castigado pola
Covid-19, coa restrición perimetral de mobilidade e tamén co peche da
actividade non esencial. Así beneficiaranse tanto bares, restaurantes e casas
de turismo rural.
