O’Potiños presenta unha nova edición do Arenteiro Fotográfico con novidades

IES CHAMOSO LAMAS

O salón de plenos do concello do Carballiño acolleu esta mañá a presentación dunha nova edición do “Arenteiro Fotográfico”, evento organizado pola asociación O`Potiños.

O evento acollerá once exposicións durante os meses de outubro e novembro, e unha novidade: este ano contan cun baixo na rúa Principal que albergará sete exposicións xuntas que se poderán desfrutar con independencia de horarios e días festivos. Unha desas mostras será en colaboración co centro Chamoso Lamas, ca súa exposición “Memoria viva do río Arenteiro”.

HIPER MASIDE

Outra destas exposición serán as 20 mellores fotografías do concurso de temática libre que rematou a comezos deste mes. Os premios entregaranse o 9 de outubro no acto inaugural di “Arenteiro Fotográfico”, xunto ca charla de Vari Caramés, premiado deste ano.

Este ano, o cartel é de Mari Izquierdo, coma homenaxe a esta fotógrafa e o traballo feito. O presidente de O`Potiños quere destacar a boa acollida dende toda España ó traballo do grupo, e anima a todos a desfrutar del.

O concelleiro de cultura, Diego Fernández, destacou o esforzo deito pola agrupación para consolidarse como referente no sector a nivel galego e nacional, e convida a todos a desfrutar da fotografía.