As ciencias poden ser divertidas isto é o que se quere demostrar ca primeira edición das Xornadas pola Ciencia no Carballiño, que se están a desenvolver ao longo desta semana nos institutos e tamén con charlas de carballiñeses ilustres neste eido.
Hoxe achegámonos ata o IES Chamoso Lamas, onde tiveron lugar varias actividades, como a construción dunha cúpula de Leonardo e outros experimentos. Así como tamén realizaron un obradoiro de meteoroloxía na estación ubicada nas súas instalacións. Os experimentos que están a realizar quedan expostos nunha mostra que se pode visitar. Hoxe estivemos con eles.
As Xornadas pola Ciencia do Carballiño arrancarán esta tarde coa intervención da química, investigadora e docente Marga Vázquez González e a charla que leva por título “Camiño hacia unha carreira investigadora. Descubrindo o potencial das nanomaterias”. Será na Casa da Cultura a partir das 20.00 horas. O Concello e os representantes dos centros educativos uniron esforzos para organizar esta iniciativa, que se desenvolverá durante toda esta semana e rematará o venres cando os estudantes leven os seus experimentos á Praza Maior.
Os programa das Xornadas da Ciencia terá continuidade nos próximos días:
Mañá, 19 de abril. O físico, investigador e Premio Nacional de Meteoroloxía Miguel García Pérez, impartirá a charla titulada “Cuarenta anos de investigación climática no Carballiño”. Casa da Cultura. 20.00 horas.
Xoves, 20 de abril. O cardiólogo, docente e investigador Eduardo Barge ofrecerá a conferencia “A investigación no Servicio Galego de Saúde”.
Para o venres, 21 de abril, organizouse unha Feira Científica na Praza Maior e na que os estudantes do IES Número 1 e do IES Chamoso Lamas realizarán experimentos. Será en horario de 17.30 a 20.30 horas.
