As estradas dos municipios de Amoeiro, O Irixo, Cea, Boborás, Cenlle, Maside e O Carballiño serán escenario da segunda edición do Rallye Carballiño-Pazo Tixón durante os vindeiros días 28, 29 e 30 do presente mes de Xullo, baixo a organización de escudería JLB Motorsport e o patrocinio de diversas entidades comerciais.
A Praza Maior da nosa vila acolleu hoxe a presentación deste evento, acto ao que asistiron representantes dos concellos, da organización e da Federación Galega de Automobilismo.