A banda carballiñesa Skadelos proclamouse gañadora do certame ‘Onda Chicha 2026’, celebrado o pasado sábado na emblemática Sala Capitol de Santiago de Compostela, consolidando o seu nome como a banda emerxente de referencia no panorama musical galego.
O triunfo chega acompañado dun impulso clave na súa carreira: a gravación dun EP nos estudos Garaxe Land, un premio que permitirá ao grupo dar un paso adiante na profesionalización do seu proxecto e na difusión da súa música.
Co seu directo cheo de forza e personalidade, Skadelos conseguiu conectar tanto co público coma co xurado profesional, destacando entre as bandas participantes nun dos certames de referencia para novos talentos en Galicia.
OS MELLORES ESTABLECEMENTOS
A vitoria de Skadelos supón o recoñecemento ao traballo dunha formación nacida no Carballiño en 2019 e que, tras varios anos de evolución, conseguiu consolidar unha proposta musical que combina ska, pop e rock.
Tras o seu paso por escenarios como a Sala Rebullón e a recente actuación na Sala Capitol, a banda afronta un verán intenso con novos concertos e citas en directo por diferentes puntos de Galicia, levando o seu directo a públicos cada vez máis amplos.
