Leiro, 29 de xullo de 2026 – O Partido Socialista de Leiro denuncia a situación que se está a
producir coa xestión da auga no Concello. Os datos oficiais analizados polo PSdeG-PSOE de
Leiro apuntan a unha diferenza de aproximadamente 160.000 m³ anuais entre a auga
abastecida e o consumo rexistrado, mentres a situación actual xa está a provocar problemas
de abastecemento en varias localidades do municipio.
• Consumo real: no mesmo período, o consumo anual medio foi de aproximadamente
80.000 m³.
• Diferenza: existe unha diferenza aproximada de 160.000 m³ anuais entre o volume
abastecido e o consumo rexistrado.
Esta diferenza representa un problema de eficiencia que debe ser investigado e corrixido.
Ademais do desperdicio dun recurso esencial, o bombeo e tratamento da auga que
finalmente non chega ao consumo efectivo pode implicar custes enerxéticos e económicos
que repercuten no funcionamento do servizo.
A RESPONSABILIDADE DO GOBERNO E O DIÑEIRO QUE NON CHEGOU
O PSdeG-PSOE de Leiro sinala que estas anomalías foron postas sobre a mesa polo grupo
socialista no período 2021-2022 e reclama que o Goberno municipal explique que medidas
concretas se adoptaron desde entón para reducir as perdas e garantir o correcto
funcionamento da rede.
Ademais, desde 2022 o alcalde vén buscando apoio da Xunta de Galicia, en coordinación coa
alcaldía de Boborás, para executar obras de reparación. A pesar dos compromisos
anunciados, as actuacións continúan bloqueadas, segundo denuncia o PSdeG-PSOE de Leiro,
mentres os problemas de abastecemento seguen afectando aos veciños.
ESIXIMOS RESPOSTAS E MEDIDAS INMEDIATAS
O Partido Socialista de Leiro reclama ao Goberno municipal transparencia sobre o estado
actual da rede de abastecemento, información clara sobre as localidades afectadas, un plan
inmediato para garantir a subministración durante agosto e setembro e actuacións concretas
para localizar e reparar as perdas de auga.
A auga é un recurso esencial e o seu abastecemento non pode depender de explicacións
recorrentes nin de solucións de última hora. Os veciños e veciñas de Leiro teñen dereito a un
servizo eficiente, transparente e debidamente controlado.
