Ourense, 26 de setembro de 2025.
O presidente da Deputación de Ourense, Luis Menor, participou na inauguración do curso do máster en Xestión Empresarial do Deporte da Facultade de Ciencias Empresariais e Turismo do Campus. Menor puxo en valor a “ampla traxectoria” desta formación especializada, que ocupa os primeiros postos nos rankings internacionais de estudos desta materia.
Menor reivindicou o papel destes estudos e do Campus de Ourense na “captación de talento” e apostou polos dous sectores implicados no máster -deporte e empresa- como “estratéxicos” para a provincia.
A Deputación de Ourense e a Universidade de Vigo consolidaron en xuño de 2024 a súa cooperación constante, neste caso en materia de turismo e difusión cultural por valor de 300.000 euros. Neste sentido, o presidente provincial subliñou o “entendemento institucional 100% eficaz”.
