Os albergues públicos do Camiño de Santiago comezan a súa apertura de forma gradual

A Rede Pública de Albergues do Camiño de Santiago ultima os seus preparativos para iniciar a reapertura gradual a partir de mañá mércores, data na que tamén abrirán a Catedral de Santiago e o Centro Internacional de Acollida ao Peregrino. A Xunta de Galicia, a través do programa Camiño Seguro, e os concellos coordinan un proceso consensuado que se iniciará cos albergues máis necesarios. Un mínimo de 28 da rede pública prestarán servizo desde a primeira xornada e irán sumándose novas aperturas progresivamente en función da demanda e a oferta. A previsión é que o 1 de setembro todos os albergues estean xa operativos.

Publicidade

Os albergues públicos manterán unha capacidade máxima do 50%, mentres que no resto de albergues permitirase incrementar a porcentaxe ata o 75%. Co fin de dar garantías aos peregrinos no actual contexto sanitario, tamén se habilitará un sistema online de reservas, que convivirá coa posibilidade de solicitar praza presencial ao chegar ao albergues