O WebZine Musical CanedoRock cumpre 20 anos na rede de redes e celébrao como sempre con boa música.
Nesta ocasión con dous eventos os días 27 e 28 de outubro.
Así o venres 27 terá lugar por primeira vez a entrega do Xingro de Honra. Un galardón co que desde CanedoRock quérese recoñecer a traxectoria profesional ao longo dos anos de persoas ou entidades que entenden o Rock como unha mostra máis de Cultura axudando á súa difusión e posta en valor.
Este ano o Xingro de Honra recibirao Carlos Domínguez “Charli”, pola súa ampla traxectoria profesional relacionada co Rock. Tanto pola súa achega como músico en Los Suaves como polo seu labor radiofónico a través do seu programa O Lobo Urbano. Ademais doutras actividades menos coñecidas pero non por iso menos importantes.
O Xingro de Honra é unha figura realizada polo artista ourensán Marcos Vidal baseada nunha das esculturas do Pórtico do Paraíso da Catedral de Ourense.
O seu nome Xingro ven da denominación dos músicos en Barallete, un argot utilizado outrora polos afiadores, paragüeros e músicos da provincia de Ourense.
O acto de entrega celebrarase no Salón Nobre de El Liceo de Ourense a partir das 21:00h. A entrada será gratuíta con invitación.
Tras a entrega do Xingro de Honra terá lugar no mesmo escenario a actuación do trío ourensán Barbaña Blues que finalizará o acto enchendo dos sons máis clásicos do Blues o Salón Nobre do Liceo.
O sábado 28 celebrarase a xa “tradicional” Festa de Aniversario no Café Cultural Auriense da Cidade das Burgas.
Susie Q’s serán o encargados de amenizar a Sesión Vermú a partir das 12:30h con entrada gratuíta.
Os da Vila do Arenteiro volven a Ourense a presentar as súas novas cancións. O seu Rock melódico de calidade, sen dúbida, fará pasar un bo intre ao respectable abrindo o apetito para o que lles espera pola tarde.
A partir das 20:00h., na Festa Concerto, contarán con tres bandas sobre o escenario do Auriense no que sen dúbida será unha tarde chea de boa música.
Os ourensáns No Chillin’ Siesta Boys, a pontevedreses Calle del Ruido e os ferroláns Malditos Pendejos serán os encargados de poñerlle banda sonora.
No Chillin’ Sesta Boys darán o pistoletazo de saída. O seu potente Metalcore e a intensidade coa que viven os seus concertos poñerán patas para arriba o Auriense desde o primeiro acorde.
Celle del Ruido serán os seguintes en subir ao escenario do Café Auriense. O seu Metal melódico con sons electrónicos, non exento de forza, e cun directo altamente enerxético, é unha aposta gañadora segura.
Pecharán a velada, Malditos Pendejos. O seu Rock de toda a vida, incombustible, poñerá o broche de ouro á XX Festa de Aniversario de CanedoRock.
Veñen a Ourense coas cancións dos seus dous discos debaixo do brazo cun repertorio no que tampouco faltarán algúns clásicos do Rock.
As entradas están á venda a un prezo de 10€ en Café Cultural Auriense, Pardao Bar, Pub Rockola, Pub Jato Negro e Cervexaría O Moucho. (Socios CanedoRock: entrada gratuíta).
O menú do XX aniversario de CanedoRock esta servido. Só faltas ti.
Ligazóns de interese:
Malditos Pendejos:
Facebook: https://www.facebook.com/Rancrock
Vídeo: https://youtu.be/KJywmZPZNAM
Calle del Ruido:
Facebook: https://www.facebook.com/calledelruidooficial
Vídeo: https://youtu.be/YJLudfcsBvo
No Chillin’ Siesta Boys:
Facebook: https://www.facebook.com/siestaboys
Vídeo: https://youtu.be/NSsD-Rgh6NE
Susie Q’s:
Facebook: https://www.facebook.com/susiequius
Vídeo: https://youtu.be/-CZYoSHAHyM
Barbaña Blues:
Facebook: https://www.facebook.com/profile.php?id=100063507513634
Vídeo: https://youtu.be/FdvamD_RKZE
CanedoRock:
