A alcaldesa de Boborás, Patricia Torres, acompáñao como primeira suplente na candidatura do Partido Popular por Ourense
José Antonio Cerdeira figura no número 3 da candidatura do Partido Popular de Ourense ao Senado, segundo se recolle na imaxe difundida pola formación. Cerdeira é, ademais, o responsable da xestora local do PP do Carballiño, órgano encargado de coordinar e dirixir a actividade do partido no municipio.
Como primeira suplente de José Antonio Cerdeira aparece Ana Patricia Torres, alcaldesa de Boborás, mentres que Rodrigo Aparicio, alcalde de Arnoia ocupa o posto de segundo suplente.
A candidatura está encabezada por Miguel Ángel Santalices, acompañado por Diana Pérez e Bernardo Rodríguez como suplentes. No número 2 sitúase Rosa María Sánchez, con Manuel Ángel Fernández e María Belén Iglesias como suplentes.
A presenza de Cerdeira no terceiro posto da lista ao Senado reforza o peso da comarca do Carballiño na candidatura popular por Ourense. O seu nomeamento á fronte da xestora local produciuse co obxectivo de asumir a reorganización e coordinación do Partido Popular no municipio carballiñés.
🔗 Máis información sobre a xestora do PP do Carballiño:
O Partido Popular do Carballiño encomenda a José Antonio Cerdeira a presidencia da xestora local
