Manuel Herminio Iglesias
Nas campañas electorais sempre hai frases que teñen un trasfondo que, si se toman ó pe da letra, sinalan certa prepotencia por parte da formación que as emprega. O obxectivo que tentan é amosar superioridade fronte ós competidores políticos. Houbo un tempo no que nesta cidade, Trobón en ristre, acompañado dunha charanga, escoitábase aquelo de: “Si no eres del PP jódete jódete…”. A cousa é que aquel dito, na apertura da campaña electoral tiña o seu aquel e a súa lectura. Pois aínda que era de coña a con moita retranca a frase mandaba unha mensaxe que amosaba o poderío neste noroeste peninsular dos conservadores fronte ós demais partidos.
Os tempos foron pasado, e despois de todo o que choveu e tamén das corruptelas e sentenzas habídas contra os Populares, o retrouso “ Si non eres do PP…” xa non se escoita. Máis, hai uns días o sr. Rueda, presidente en funcións da Xunta, lanzou ó vento unha mensaxe que, despois de escoitala, sigue a ter un transfondo semellante ó de anos atrás. Nós somos a Galicia riquiña fronte os que son a Galicia enfurruñada. Ou sexa: nós somos a Galicia amabel, a acolledora, a que non berra, a que traballa, a que arranxa os problemas, vamos: a mellor. E a outra, é a Galicia que berra e que está sempre enfurruñada, a que esta sempre cabreada, a que crea problemas, o que ven a ser o contrario do que os galegos precisamos.
A verdade é que o dito ten o seu aquel. Pois entendo que, por protestar e reivindicar que os servizos públicos sexan públicos e funcionen mellor, ou por reclamar certas competencias pra que sexan xestionalas desde esta terra, así como facer fincapé no trato desigual entre provincias e comunidades, ou defender a nosa identidade idiomática e cultural, un presidente critique ise posicionamente político semella un certo desprezo cara os que pensán desa maneira.
Algún día farase un balance do que o nacionalismo galego lle aportou a este país dende os anos da súa existencia. Ben sei que pode que haxa cuestións que revisar, pois as sociedades evolucionan e as formas de ver a vida tamén. Mais tamén sei que o primeiro que lle aportou á sociedade galega en xeral foi o de devolvernos o orgullo de sermos nós coas nosas virtudes e defectos. Tamén o de fortalecer a nosa personalidade e identidade como nacionalidade histórica que somos e que está recollida no texto constitucional. Como o de reivindicar unha serie de competencias que de seguro mellorarían a vida dos galegos. Mais esta xente á que o candidato Rueda califica como “enfurruñada” aportou e aporta moitas cousas positivas. Polo que reivindicar melloras sociais e políticas pra dentro do Estado ter máis influencia nas decisións que nos afectan sempre será moi positivo.
Galicia sempre foi terra de acollida. Máis o calificativo de riquiños sona un chisco a rancio e, sobor de todo, a mensaxe moi paternalista. E o de enfurruñados leva tras de si unha carga de mala uva; de xente conflictiva e problemática e incluso frustrada. De persoas que somente buscan e crean conflictos, cando non é así. Clasificar así ós galegos como se uns fosen os bos e os outros os enfurruñados e pouco menos que malos é un erro moi grave.
A xente que apoia opcións políticas nacionalistas son persoas que aman a esta terra e que non a ven como un lugar sumiso que traga con todo o que lle poñen riba das costas dende poderes alleos. Polo que na política tes que facer valer os teus dereitos si queres acadar obxectivos e melloras sociais. Do contrario outros gobernarán por ti e defenderán soamente os seus intereses. En fín, triste e errado calificativo o de enfurruñados. O mellor quen iso di: non é máis ca un mandado que fuxe de amosar o que fixo na Xunta no último mandato e soamente ofrece un futuro gris escuro para esta terra. Por tal motivo precisamos aire novo e un cambio nas institucións, pois os que levan moitos anos gobernando chegan a pensar que poder lles pertence dende sempre.
Outros artigos de Manuel Herminio Iglesias
Quen fala dos problemas desta terra?
Asaltar o ceo contra o pracmatismo
A fantasía e o consumismo no Nadal
Feijoo e as maiorías absolutas
Descoñecen o que berran e chantean?
Lavándolle a faciana a extrema dereita
Moita enerxía sen rentabilidade
Ourense: Sen obxectivos nin proxectos
Ourense, por riba das ideoloxías
Vandalismo, botellóns e desleixo
Dúas maneiras de actuar na política
