Manuel Herminio Iglesias
O exemplo do dentista que puxo Jácome hai uns días falando coa prensa, e vistas as frases literarias que deixa sempre que abre a boca e di algo, non debían chamarlle a atención a ninguén. O alcalde é clariño falando daquelo que lle convén, ainda que doutras cousas garde un silencio que sinala o escurantismo no que vive o seu goberno. Polo que amosa que está cheo de culpabilidades que a día de hoxe o teñen en vilo.
Ourense cidade viven un tempo institucional que conviría esquecer canto antes; pois somos o faime rir, non so de Galicia se non de todo o Estado. A linguaxe do despótico e chocalleiro alcalde é unha boa mostra do poulismo barato ó que estamos sometidos todos. Pero, que naide se engane: Jácome está moi nevioso e inquedo, pois sabe que na política galega non pinta nada e xa é mais un estobo que outra cousa. Non é chave en Compostela e, por moito que fale de ovos, ó PP non lle fai falla pra nada, pois a Deputación non corre perigo ningún.
Polo que o PP, partido que sempre foi de goberno, debía dar un golpe na mesa e apartar a Jácome da lacaldía canto antes polo seu ben e polo prestíxio que perde dándolle un apoio, ben con abstencións, calando e tragando sapos, ou co seu voto. Eu ben sei que a moción é posible a día de hoxe. Polo que a pregunta é a seguinte: merécelle a pena o PP salvarlle os mobles a un alcalde e a un grupo de aproveitados a cambio de nada e perder prestíxio diante a cidadanía?
Chegou o tempo de que o sr. Menor demostre quen leva os galóns e quen manda. Chegou o tempo de que actúe de xefe pois, o que acontece en Ourense é un caso especial e como tal ten que ser tratado.
Jácome movese moi ben no lixo da confrontación marrulleira na que moitas veces anda o debate político. O seu campo mellor é enzoufarse no lodo. Mais ise comentario, si, o dos ovos, debía ter unha resposta contundente. E eso ímolo ver cando presente os seus presupostos e llos rexeiten, e logo pida unha moción de confianza. Agora xa non está Baltar na cadeira da Deputación; agora a moción de censura tampouco parece posibel na Deputación. Agora o PP non precisa en Santiago a ise deputado de DO. Polo que as preguntas saltan á luz e poñen branco sobre negro. Na provincia hai tres forzas políticas que teñen unha forte implantación da que carece o grupiño do alcalde. A que esperan pra porse dacordo e limpar o Concello das Burgas? A que esperan pra impedir o deterioro dunha institución como o Concello. Ben sei que a culpa non esta repartida por igual. Pois o PP é o que ten moita máis cós demais.
Polo que, por moito que berre o dono do micro, por moito que predique quen dá e corta intervencións cando lle peta, a día de hoxe non ten a ninguén amarrado polos cataplíns. Eso é unha farolada dun home que ten unha gran diarrea verbal. E si Jácome sigue na cadeira de mando é porque, sobor de todo os populares, carecen de liderazgo en Ourense. Pois, si en Santiago non precisan de DO e en Ourense tampouco, a que coño esperan.
En política hai que facerse valer. E moitas veces hai que demostralo. Ate donde eu sei hoxe a moción de censura é posibel. Pois ben, polo ben da cidadanía de Ourense convén que os grupos se poñan dacordo e actúen. En fin, chegou o tempo de baixar da nube a quen non debía estar na cadeira de mando. Esperemos acontecementos.
Outros artigos de Manuel Herminio Iglesias
A opinión de Manuel Herminio: “Enfurruñados ou riquiños”
Quen fala dos problemas desta terra?
Asaltar o ceo contra o pracmatismo
A fantasía e o consumismo no Nadal
Feijoo e as maiorías absolutas
Descoñecen o que berran e chantean?
Lavándolle a faciana a extrema dereita
Moita enerxía sen rentabilidade
Ourense: Sen obxectivos nin proxectos
Ourense, por riba das ideoloxías
Vandalismo, botellóns e desleixo
Dúas maneiras de actuar na política
